U prvim mjesecima života svake bebe javljaju se, nažalost, brojni strahovi i problemi, s ozbirom da je riječ o jednom slabom i nepotpuno razvijenom organizmu koji još nije naučio da se bori protiv vanjskih prijetnji. Jedan od takvih je infekcija oka uz koju se javlja nakupljanje krmelja u bebinim očima.
Kremelje predstavljaju žućkasti sekret u uglu oka, a često se javljaju i na trepavicama. Ukoliko je primjetna redovna količina krmelja, onda je to pouzdan znak da je riječ o bakterijskoj infekciji.
Zašto je to tako?
Razlog je to što suze ne ispiraju oko, šta je njihova glavna funkcija, pa se usljed toga nakupljaju bakterije koje dovode do infekcije. Kao posljedica, beba ima otečene i krmeljive oči.
Pročitajte još: Grčevi kod novorođenčadi
Za dobijanje infekcije “zaslužni” su neki od sljedećih faktora – bakterije u urinu majke ili pojačan vaginalni sekret tokom trudnoće, kontakt sa osobom koja ima infekciju oka, propuh ili duvanski dim.
Sljedeće bitno pitanje koje se postavlja je kako riješiti problem?
- Za manje upale ne morate posjećivati doktora. Sterilnom gazom, koju prethodno umočite u čaj od kamilice, nekoliko puta dnevno čistite bebine oči pokretima ka nosu. Važno je da gazu mijenjajte za svako oko i svaki put kada čistite.
- Pedijatri predlažu korišćenje triprocentne borne kiseline za oči (obratite pažnju, to ne smije da bude ona kojom se čisti koža) na isti način, odnosno natapanjem sterilne gaze i nježnim brisanja od spoljašnjeg dijela oka ka unutrašnjem, odnosno ka nosiću. Nakon čišćenja u oko kapajte jednu-dvije kapljice iste te kiseline, a ovaj postupak ponavljajte tri do pet puta u toku dana, barem pet dana u nizu. Ukoliko je inficirano samo jedno oko, svakako predlažemo da ukapate bornu kiselinu i u ono zdravo, jer se infekcija lako i brzo prenosi.
Ako se desi da navedene terapije ne poboljšaju stanje, posjetite doktora koji će vam propisati kapi za oči ili antibiotsku mast, poput hloramfenikola. I za kraj, ne paničarite. Znamo da ovakve stvari brinu više nego išta, pogotovo ako ste tek rodili, ali mnoge bebe prođu kroz ovo stanje bez ikakvih problema i brzo izliječe infekciju.
