Topli ljetni dani, ili čak proljetni (jer temperature znaju biti i te kako visoke već od maja mjeseca), često uzrokuju probleme sa spavanjem kako odraslima tako i bebama. Roditelji se već nekako snađu i prilagode temperaturnim promjenama, ali sa bebama je situacija teža. Zato vam u nastavku donosimo nekoliko savjeta kako da olakšate besane noći uzrokovane toplim noćima.
1. Koristite posteljinu za ljetne dane: Ljeto zahtijeva lagane, potpuno prirodne materijale, koji dišu i omogućavaju ljepši san. Takvi su lan i pamuk, pa preporučujemo da pronađete posteljinu napravljenu od navedenih.
2. Stvorite protok vazduha: Ostavite prozor(e) otvoren(e) kako biste stvorili lagan protok vazduha. Zavjesu možete držati preko, a razmislite i o stavljanju mrežice za insekte tokom ljeta.
3. Uložite u kvalitetne roletne: Kvalitetne roletne koje će omogućiti potpuno zamračivanje prostora i priličnu toplotnu izolaciju su zapravo sjajna investicija – i ljeti i zimi.
4. Koristite hladniju vodu za kupanje: Hladnija kupka je idealno rješenje za dane kada su temperature nepodnošljive. Uvrstite to u večernju rutinu kupanja beba i primijetićete promjenu.
5. Držite paravane na prozorima tokom dana: Kad je sunce najjače na prozorima držite paravane koji će pružiti zaštitu i učiniti prostoriju lagodnijom za boravak.
6. Pridržavajte se ustaljene rutine: Ljeti se i odraslima i klincima mijenja rutina, a odlazak na spavanje se pomjera za nekoliko časova upravo zbog visokih temperatura. Ipak, savjetujemo da se kod beba pridržavate ustaljene rutine.
